عن الرئيس
زي
كتير من الناس اللي انتخبت, انا كمان عصرت علي عيني لمونة واخترت مرسي في الجولة
التانية بعد العسكر ما قلصوا اختياراتنا قهرياً من البرادعي وابو اسماعيل ...
لصباحي وابو الفتوح .. لحد مرسي والبتاع التاني ... اه .. البتاع ده اللي العسكر
زقوه علينا في الانتخابات كدة زي اللبانة اللزجة اللي بتلزق وماتطلعش من الهدوم
...
وده ينقلك تاموتيكي كدة .. اه والله .. للانتخابات أو (الانطخبات) علي رأي الحج فاروق ابن الحج سلطان ... هي بقي كانت انتخابات بجد ولا ماكانتش !!!!!! اصل مش مقنعة بردك موضوع ان مرسي اخد مركز أول في الجولة الاولي والحركات دي .... هو اه العسكر قرطسنا بس ماقرطسناش بصياعة كدة .. يعني احنا فاهمين اننا متقرطسين .. هو لو صايع بقي كان قرطسنا من غير مانفهم اننا متقرطسين ... عسكر بقي !!! والسخيف اننا لسة ساكتين واحنا فاهمين وعارفين ...... وانا مش مقتنع بأي حاجة من اللي حصلت دي .. بس كل واحد مننا كدة من جواه ساكت عشان الدم ........ خسرنا دم كتير ...... خسرنا ناس كانوا مخليين مصر احلي بيهم ... صعب لما تمشي في شوارع مصر وماتشوفش وش مينا دانيل أو خالد سعيد ... (رغم اني مابحبش الكلام ده عشان بحسه مبتذل) بس والله في حاجة اتغيرت بموتهم ... مش حاجة واحدة .. حاجات كتير .. ماتحسش كدة ان المطرة هي هي زي في وجودهم .. ولا حتي تراب الارض بيعفر عليك بحنية زي تراب الغيط .. دلوقتي تحس حتي التراب كارهك من كتر الناس الواطية اللي بتمشي عليه كل يوم .................... رضينا وسكتنا عشان مش عاوزين دم تاني .. مش حباً في مرسي ولا رضي بيه .. لأ .... عشان بس مانخسرش تاني ناس من اللي بيخلوا مصر احلي مكان ع الارض ..
رغم ده مش عارف ليه في حاجة بسطتني في خطابات مرسي سواء في الميدان او الجامعة .. وحتي الخطابين بتوع المحكمة واللي في الهايكستب ... عرف يوسطن نفسه "نوعاً ما" بين الكلام الثوري اللي مش محسوب وبين كلامه كرئيس دولة متزن مش طايش وخلاص ...... في كل كلمة او جملة ثورية كان بيقولها كنت بدور علي اي حاجة تتفهم انه هايبقي معانا ضد العسكر ... شوية كان ينصفني وساعات يرجع يشكر المجلس وارجع اشتمه تاني .... بتمني في كل حرف بيقوله انه يكون اتعلم من اللي العسكر بيعملوه ... وعملوه ... سواء مع الاخوان زمان أو الاخوان دلوقتي ... بقول يا رب يكون ناوي يعمل معاهم زي اردوغان .. بس عموماً احنا اتنفخنا كلام من السياسيين ... كفاية بقي .. خلينا في اللي بنفهمه (الافعال) ..... تعالي يا اسطي مرسي العربية راكبلها ماتور فزبة والتنجيد بتاعها معمول عند عجلاتي ..... تقييمي لمرسي هايبدأ باختياره لرئيس وزراء ونواب ووزراء عليهم رضا من القوي السياسية (ولاد الكلب) ومن الثوار الغلابة والناس المتبهدلة في الشوارع في كل حتة في البلد دي ..... والاهم من ده كله حق اللي ماتوا وغرقوا الشوارع بلون شفناه احمر بس لونه الحقيقي لون الجنة ..
اعتقد بالمعيار اللي فوق ده مرسي لحد دلوقتي ... فشل زريع .. لأن الجنزوري لسة بيغسل .... آآآآآ ..... لسة بيغسل أيده في حمام مجلس الوزرا .. طنطاوي لسة وزير دفاع وغالباً هايستمر ... فايزة لسة بتطلعلنا في الكوابيس .. ودي الحاجات اللي مش عاوزة وقت طويل عشان تتنفذ .. عموماً خلينا مستنيين.
من جوايا مقتنع تماماً ان مرسي هايخذلنا وبتمني من جوايا انه يقف مع الثورة ويشوف بس نقدر نعمل ايه .. رغم كدة مقتنع بردو اني هسانده ضد العسكر في اي معركة وفي اي قرار وفي اي كلمة .. من الحاجات اللي شوية مخلياني متفائل ومستغرب ومندهش ان الحج ابويا كان بيشتم في الاخوان زيليون مرة في الثانية اتحول بنوع من انواع الشعوذة وبشكل غريب لتأييد مرسي !!!!!!! يمكن بسبب كرهه للعسكر .. عموماً ابويا اثبت قدرة تنبؤ عجيبة طول السنة ونص .. وحالياً عنده ثقة في مرسي اتمني يطلع صح كمان المرة دي ..
"قَالُواْ أُوذِينَا مِن قَبْلِ أَن تَأْتِيَنَا وَمِن بَعْدِ مَا جِئْتَنَا قَالَ عَسَى رَبُّكُمْ أَن يُهْلِكَ عَدُوَّكُمْ وَيَسْتَخْلِفَكُمْ فِي الأَرْضِ فَيَنظُرَ كَيْفَ تَعْمَلُونَ" .... اية 129 سورة الاعراف ... الآية دي كانت في بالي طول الوقت ايام محمد محمود ومجلس الوزرا والايام اللي بعدها ... كنت بسأل نفسي طول الوقت هي ليه كل الدقون اللي في المجلس دي ومحدش منهم اخد باله من الاية دي وهو بيقرا القرآن .. احساس غريب فعلاً لما ناس تموت عشان الحق والحرية ويتخونوا ويتقال عليهم بلطجية ... الظلم وحش .......... نفسي مرسي ياخد باله بقي من الاية دي عشان مايحصلش معاه زي مجلس الشعب ..
بمناسبة التفاؤل .... في حديث سيدنا محمد عليه الصلاة والسلام .. "يا عبد الرحمن بن سمرة، لا تسأل الإمارة، فإنك إن أوتيتها عن مسألة وكلت إليها، وإن أوتيتها من غير مسألة أعنت عليها" ... بيتهيألي مرسي بقي رئيس غصب عن العسكر بسبب خوفهم ان التزوير هايخلي التحرير يجيب عاليها واطيها .. وغصب عن الثوار عشان عصروا اللمون وانتخبوه بدل ما البتاع التاني ما يكسب ... وطبعاً غصب عن الفلول ... ويمكن كمان غصب عن الاخوان اللي كانوا عاوزين الشاطر !!!! او هكذا اتمني يعني ان مرسي يكون فعلاً بقي رئيس عن غير مسألة ... لأن لو ربنا أعانه .. الخير هايبقي لينا كلنا ... يا رب عينه مع الحق علي الظلم ......
وده ينقلك تاموتيكي كدة .. اه والله .. للانتخابات أو (الانطخبات) علي رأي الحج فاروق ابن الحج سلطان ... هي بقي كانت انتخابات بجد ولا ماكانتش !!!!!! اصل مش مقنعة بردك موضوع ان مرسي اخد مركز أول في الجولة الاولي والحركات دي .... هو اه العسكر قرطسنا بس ماقرطسناش بصياعة كدة .. يعني احنا فاهمين اننا متقرطسين .. هو لو صايع بقي كان قرطسنا من غير مانفهم اننا متقرطسين ... عسكر بقي !!! والسخيف اننا لسة ساكتين واحنا فاهمين وعارفين ...... وانا مش مقتنع بأي حاجة من اللي حصلت دي .. بس كل واحد مننا كدة من جواه ساكت عشان الدم ........ خسرنا دم كتير ...... خسرنا ناس كانوا مخليين مصر احلي بيهم ... صعب لما تمشي في شوارع مصر وماتشوفش وش مينا دانيل أو خالد سعيد ... (رغم اني مابحبش الكلام ده عشان بحسه مبتذل) بس والله في حاجة اتغيرت بموتهم ... مش حاجة واحدة .. حاجات كتير .. ماتحسش كدة ان المطرة هي هي زي في وجودهم .. ولا حتي تراب الارض بيعفر عليك بحنية زي تراب الغيط .. دلوقتي تحس حتي التراب كارهك من كتر الناس الواطية اللي بتمشي عليه كل يوم .................... رضينا وسكتنا عشان مش عاوزين دم تاني .. مش حباً في مرسي ولا رضي بيه .. لأ .... عشان بس مانخسرش تاني ناس من اللي بيخلوا مصر احلي مكان ع الارض ..
رغم ده مش عارف ليه في حاجة بسطتني في خطابات مرسي سواء في الميدان او الجامعة .. وحتي الخطابين بتوع المحكمة واللي في الهايكستب ... عرف يوسطن نفسه "نوعاً ما" بين الكلام الثوري اللي مش محسوب وبين كلامه كرئيس دولة متزن مش طايش وخلاص ...... في كل كلمة او جملة ثورية كان بيقولها كنت بدور علي اي حاجة تتفهم انه هايبقي معانا ضد العسكر ... شوية كان ينصفني وساعات يرجع يشكر المجلس وارجع اشتمه تاني .... بتمني في كل حرف بيقوله انه يكون اتعلم من اللي العسكر بيعملوه ... وعملوه ... سواء مع الاخوان زمان أو الاخوان دلوقتي ... بقول يا رب يكون ناوي يعمل معاهم زي اردوغان .. بس عموماً احنا اتنفخنا كلام من السياسيين ... كفاية بقي .. خلينا في اللي بنفهمه (الافعال) ..... تعالي يا اسطي مرسي العربية راكبلها ماتور فزبة والتنجيد بتاعها معمول عند عجلاتي ..... تقييمي لمرسي هايبدأ باختياره لرئيس وزراء ونواب ووزراء عليهم رضا من القوي السياسية (ولاد الكلب) ومن الثوار الغلابة والناس المتبهدلة في الشوارع في كل حتة في البلد دي ..... والاهم من ده كله حق اللي ماتوا وغرقوا الشوارع بلون شفناه احمر بس لونه الحقيقي لون الجنة ..
اعتقد بالمعيار اللي فوق ده مرسي لحد دلوقتي ... فشل زريع .. لأن الجنزوري لسة بيغسل .... آآآآآ ..... لسة بيغسل أيده في حمام مجلس الوزرا .. طنطاوي لسة وزير دفاع وغالباً هايستمر ... فايزة لسة بتطلعلنا في الكوابيس .. ودي الحاجات اللي مش عاوزة وقت طويل عشان تتنفذ .. عموماً خلينا مستنيين.
من جوايا مقتنع تماماً ان مرسي هايخذلنا وبتمني من جوايا انه يقف مع الثورة ويشوف بس نقدر نعمل ايه .. رغم كدة مقتنع بردو اني هسانده ضد العسكر في اي معركة وفي اي قرار وفي اي كلمة .. من الحاجات اللي شوية مخلياني متفائل ومستغرب ومندهش ان الحج ابويا كان بيشتم في الاخوان زيليون مرة في الثانية اتحول بنوع من انواع الشعوذة وبشكل غريب لتأييد مرسي !!!!!!! يمكن بسبب كرهه للعسكر .. عموماً ابويا اثبت قدرة تنبؤ عجيبة طول السنة ونص .. وحالياً عنده ثقة في مرسي اتمني يطلع صح كمان المرة دي ..
"قَالُواْ أُوذِينَا مِن قَبْلِ أَن تَأْتِيَنَا وَمِن بَعْدِ مَا جِئْتَنَا قَالَ عَسَى رَبُّكُمْ أَن يُهْلِكَ عَدُوَّكُمْ وَيَسْتَخْلِفَكُمْ فِي الأَرْضِ فَيَنظُرَ كَيْفَ تَعْمَلُونَ" .... اية 129 سورة الاعراف ... الآية دي كانت في بالي طول الوقت ايام محمد محمود ومجلس الوزرا والايام اللي بعدها ... كنت بسأل نفسي طول الوقت هي ليه كل الدقون اللي في المجلس دي ومحدش منهم اخد باله من الاية دي وهو بيقرا القرآن .. احساس غريب فعلاً لما ناس تموت عشان الحق والحرية ويتخونوا ويتقال عليهم بلطجية ... الظلم وحش .......... نفسي مرسي ياخد باله بقي من الاية دي عشان مايحصلش معاه زي مجلس الشعب ..
بمناسبة التفاؤل .... في حديث سيدنا محمد عليه الصلاة والسلام .. "يا عبد الرحمن بن سمرة، لا تسأل الإمارة، فإنك إن أوتيتها عن مسألة وكلت إليها، وإن أوتيتها من غير مسألة أعنت عليها" ... بيتهيألي مرسي بقي رئيس غصب عن العسكر بسبب خوفهم ان التزوير هايخلي التحرير يجيب عاليها واطيها .. وغصب عن الثوار عشان عصروا اللمون وانتخبوه بدل ما البتاع التاني ما يكسب ... وطبعاً غصب عن الفلول ... ويمكن كمان غصب عن الاخوان اللي كانوا عاوزين الشاطر !!!! او هكذا اتمني يعني ان مرسي يكون فعلاً بقي رئيس عن غير مسألة ... لأن لو ربنا أعانه .. الخير هايبقي لينا كلنا ... يا رب عينه مع الحق علي الظلم ......
ليست هناك تعليقات:
إرسال تعليق