عندما تموت الشمس
"عندما تموت الشمس" ...... الكلمة دي قرأتها مرة في مقالة و انا طفل صغير , حاولت كتير افهم معناها . مرة فهمت ان الشمس بتموت زي البشر و ان النجوم اهلها هايزعلو عليها , و مرة عرفت انها نجم زي كل النجوم هاييجي يوم و تموت و هايتكون ثقب اسود و الجاذبية بتاعته هتسحب كل اللي موجود في المجموعة الشمسية , و حسيت مرة ان دة حاجة تانية .. حاجة ملهاش تفسير ..... بس حاجة حزينة . بس الغريب ان دة كله بيعبر عن الدنيا و هي ظلام , بس يا تري الظلام ده موجود في عقولنا و لا في قلوبنا و لا في كل حاجة في دنيتنا !!!؟
الغريب اني مش فاكر المقالة دي كانت بتتكلم عن ايه بس فاكر ان الجملة دي وجعتني قوي و لمست احساسي حتي و انا طفل صغير ... ولحد دلوقتي بفتكرها كتير و بحاول اعرف معاني اكتر ليها ..... بس اللي فهمته بعد كدة ان الكلمة دي مش بتعبر عن حاجة واحدة بس ...... لكن كل واحد مننا هايبقي ليه شمسه .. هايبقي ليه نوره .. و كلنا خايفين من اليوم اللي هاتموت فيه شمسنا .....
في حاجة واحدة بس عاوز اقولها في الاخر , النور اللي جوانا اكبر من اي شمس و اكبر من اي نور .. بس احنا عمرنا ما استخدمناه ... لو حد فينا ماتت شمسه يكفيه نور ايمانه و قلبه ها ينوروا اماكن ابعد كتير من ان الشمس توصلها .
احمد العرايشي
ليست هناك تعليقات:
إرسال تعليق