ولاد الكلب اللي قتلوا جنودنا
عن
شهداء الحدود .. شهداء الوطن ... بعد استشهادهم الواحد كان حاسس بعجز عن الكلام
عشان كدة التدوينة دي متأخرة شوية عن الحدث .. لحد غضب الواحد ما هدي شوية وبقي
يقدر يرتب شوية افكار في راسه ويعرف يتكلم. طبعاً معضمنا كاد ان يتقيأ من كل القرف
اللي شافه وسمعه من الاشكال الضالة اللي بتتحفنا ع الفضائيات وعلي تويتر اللي
فاكرين ان كل حادثة بتحصل ودم بيسيل, انه score وكل واحد
عاوز يجيب نقط اكتر.
النخبة
الحلوة الجميلة بقي قالتلك ايه !!!!! قالت ابحث عن المستفيد في استشهاد جنودنا
وانت تعرف مين اللي قتلهم !!! لا يا شيخ !! ماعرفتكش انا كدة ... ايه ام العبقرية
دي !! حلتوها انتوا كدة .. والنبي لا تيجي تمسك المخابرات ااشيخ .... حاجة قمة
الهبل والعبط ... ليه انا بقول كدة !!! شوف السطور اللي جاية ....
الاخوان ..... ايوة هم الاخوان. هاتسألني عرفت ازاي !! اقولك ابحث عن المستفيد .... اصل الاخوان عملوا كدة علشان الجيش يبقي منظره وحش ويبان انه ضعيف وبالتالي لازم يرجع لثكناته ويسيب البلد للاخوان بقي علشان يعملوا اللي هم عاوزينه والدليل ان الاخوان ومرسي افرجوا عن المعتقلين بتوع الجهاد الارهابيين وهم اللي نفذوا العملية..... شوفت سهلة وبسيطة ازاي .. حلل يا عم التحليل ببلاش.
الجيش ..... ايه رأيك بقي ان الجيش وطنطاوي هم اللي عملوا كدة !!!! ازاي يا عم هو الجيش هايموت جنوده بردو !!!! ايوة يا عم طبعاً !!! ابحث عن المستفيد ..... طب ازاي .. بص بقي ... اصل المجلس العسكري قال لك احنا لازم نحرج مرسي كرئيس ونطلعه مهمل والدليل ان مراد موافي قال كل المعلومات ومرسي رماها في حوش الجنينة ... والناس بقي تطلع ضد مرسي اللي تسبب اهماله في قتل اخواتنا والعسكر يشيلوه بقي باعتباره رئيس خرنج ومش عارف يحمي (لامؤاخذة) الحدود وكدة .... يا عم سيبني افتي واحلل براحتي بقي .. انت ضد حرية التعبير ولا ايه !!!!!
اسرائيل .... الحقيقة بقي اسرائيل هي اللي قتلتهم .... يا راجل !!! اه والمصحف حتي شوف كدة هتلاقيها المستفيدة ... ازاي !! بص ...... دلوقتي لما مرسي كسب في الانتخابات بدأت العلاقات بين مصر وفلسطين وخصوصاً مع حماس تبقي احسن وتتوطد وتبقي عنب ولوز كدة ... قوم ايه بقي اسرائيل قالتلك لأ .. احنا نموت جنود مصريين ونقول ان حماس هي اللي عملت .. فاتبوظ بقي العلاقات بين الشعب الفلسطيني والمصري واسرائيل تستفرد بفلسطين من غير دعم مصري ليها ....
حماس ..... هي طبعاً المستفيد الاول يا عم وكل اللي فات ده هجص ... ليه بقي !! اصل حماس خططت كدة وفكرت قالت احنا مش عارفين نشتغل كويس في فلسطين وبعدين سينا حلوة كدة ومقلوظة ماتيجي نروح نقعد فيها شوية .. فا تفتق ذهنهم العبقري عن فكرة قتل الجنود المصريين ويعدين مصر تفقد السيطرة علي سينا وهم بقي ييجوا يقعدوا فيها ويجهزوا سلاحهم بقي ويضربوا في اسرائيل من سينا .. ويسيطروا علي سينا بقي والانفاق.
شوفت سهل ازاي بقي تبقي محلل سياسي .. قول اي كلام واي هبل وعبط عشان تثبت وجهة نظرك وخلاص وكل واحد هايختار وجهة النظر اللي بتعبر عن توجهه السياسي ويصدقها .. مش لأنها صح .. بس عشان بتثبت وجهة نظره ورأيه .. مش هتلاقي حد بيقول لك الحقيقة ... والحقيقة ان محدش عارف حاجة .. احنا كلنا مصدومين زي بعض .. من اتخن راس في البلد لأصغر راس .. حتي جهاز المخابرات اللي استلمه عمر سليمان من احسن اجهزة المخابرات في العالم قلبه مراجيح .. مش عارفين حاجة .. ولو خدنا بمبدأ ابحث عن المستفيد ده هتلاقي ان العالم كله مستفيد .. كأن شهدائنا دول شياطين والناس كلها عاوزة تموتهم ... أو انهم ملايكة والناس بردو كلها عاوزة تموتهم ..... اغلب ظني الشخصي ان دول الجهاديين اللي بعد الثورة اعلنوا سينا امارة اسلامية مستقلة وطلبوا من الجيش والشرطة يسيبوها وهم هم بردو اللي جم في العريش وحاولوا يكسروا تمثال السادات باعتباره صنم .. وربنا وحده اللي يعرف انتماء الناس دي لأيه ولا لمين.
الحقيقة الوحيدة اننا اهملنا جنودنا ... الحقيقة الوحيدة ان اهمالنا خلا دم تاني يسيل علي ارضنا .. دم 16 جندي من احسن ناس فينا .. الحقيقة ان معظمنا مش مهتم بس فارق بالنسبة له يثبت وجهة نظره ويتهم خصمه السياسي ... الحقيقة ان احنا معظمنا ولاد كلب ما نستاهلش.
الاخوان ..... ايوة هم الاخوان. هاتسألني عرفت ازاي !! اقولك ابحث عن المستفيد .... اصل الاخوان عملوا كدة علشان الجيش يبقي منظره وحش ويبان انه ضعيف وبالتالي لازم يرجع لثكناته ويسيب البلد للاخوان بقي علشان يعملوا اللي هم عاوزينه والدليل ان الاخوان ومرسي افرجوا عن المعتقلين بتوع الجهاد الارهابيين وهم اللي نفذوا العملية..... شوفت سهلة وبسيطة ازاي .. حلل يا عم التحليل ببلاش.
الجيش ..... ايه رأيك بقي ان الجيش وطنطاوي هم اللي عملوا كدة !!!! ازاي يا عم هو الجيش هايموت جنوده بردو !!!! ايوة يا عم طبعاً !!! ابحث عن المستفيد ..... طب ازاي .. بص بقي ... اصل المجلس العسكري قال لك احنا لازم نحرج مرسي كرئيس ونطلعه مهمل والدليل ان مراد موافي قال كل المعلومات ومرسي رماها في حوش الجنينة ... والناس بقي تطلع ضد مرسي اللي تسبب اهماله في قتل اخواتنا والعسكر يشيلوه بقي باعتباره رئيس خرنج ومش عارف يحمي (لامؤاخذة) الحدود وكدة .... يا عم سيبني افتي واحلل براحتي بقي .. انت ضد حرية التعبير ولا ايه !!!!!
اسرائيل .... الحقيقة بقي اسرائيل هي اللي قتلتهم .... يا راجل !!! اه والمصحف حتي شوف كدة هتلاقيها المستفيدة ... ازاي !! بص ...... دلوقتي لما مرسي كسب في الانتخابات بدأت العلاقات بين مصر وفلسطين وخصوصاً مع حماس تبقي احسن وتتوطد وتبقي عنب ولوز كدة ... قوم ايه بقي اسرائيل قالتلك لأ .. احنا نموت جنود مصريين ونقول ان حماس هي اللي عملت .. فاتبوظ بقي العلاقات بين الشعب الفلسطيني والمصري واسرائيل تستفرد بفلسطين من غير دعم مصري ليها ....
حماس ..... هي طبعاً المستفيد الاول يا عم وكل اللي فات ده هجص ... ليه بقي !! اصل حماس خططت كدة وفكرت قالت احنا مش عارفين نشتغل كويس في فلسطين وبعدين سينا حلوة كدة ومقلوظة ماتيجي نروح نقعد فيها شوية .. فا تفتق ذهنهم العبقري عن فكرة قتل الجنود المصريين ويعدين مصر تفقد السيطرة علي سينا وهم بقي ييجوا يقعدوا فيها ويجهزوا سلاحهم بقي ويضربوا في اسرائيل من سينا .. ويسيطروا علي سينا بقي والانفاق.
شوفت سهل ازاي بقي تبقي محلل سياسي .. قول اي كلام واي هبل وعبط عشان تثبت وجهة نظرك وخلاص وكل واحد هايختار وجهة النظر اللي بتعبر عن توجهه السياسي ويصدقها .. مش لأنها صح .. بس عشان بتثبت وجهة نظره ورأيه .. مش هتلاقي حد بيقول لك الحقيقة ... والحقيقة ان محدش عارف حاجة .. احنا كلنا مصدومين زي بعض .. من اتخن راس في البلد لأصغر راس .. حتي جهاز المخابرات اللي استلمه عمر سليمان من احسن اجهزة المخابرات في العالم قلبه مراجيح .. مش عارفين حاجة .. ولو خدنا بمبدأ ابحث عن المستفيد ده هتلاقي ان العالم كله مستفيد .. كأن شهدائنا دول شياطين والناس كلها عاوزة تموتهم ... أو انهم ملايكة والناس بردو كلها عاوزة تموتهم ..... اغلب ظني الشخصي ان دول الجهاديين اللي بعد الثورة اعلنوا سينا امارة اسلامية مستقلة وطلبوا من الجيش والشرطة يسيبوها وهم هم بردو اللي جم في العريش وحاولوا يكسروا تمثال السادات باعتباره صنم .. وربنا وحده اللي يعرف انتماء الناس دي لأيه ولا لمين.
الحقيقة الوحيدة اننا اهملنا جنودنا ... الحقيقة الوحيدة ان اهمالنا خلا دم تاني يسيل علي ارضنا .. دم 16 جندي من احسن ناس فينا .. الحقيقة ان معظمنا مش مهتم بس فارق بالنسبة له يثبت وجهة نظره ويتهم خصمه السياسي ... الحقيقة ان احنا معظمنا ولاد كلب ما نستاهلش.
ليست هناك تعليقات:
إرسال تعليق